Қайрат Нұрдәулетов «Оқжетпесті» тізгіндеуі мүмкін

Қазақстандық маман Қайрат Нұрдәулетов «Оқжетпестің» бас бапкері болуы мүмкін, деп хабарлайды BorodAbata.kz.

Көкшетаулықтар «Мақтаарал», «Жетісу» және «Ертіс» командаларының бұрынғы бапкерімен келіссөздер жүргізуде. Соңғы шешім жақын күндері қабылданады. Бұл ретте Нұрдәулетовтің бұл лауазымға жалғыз үміткер емес екенін айта кетейік.

Бұған дейін «Оқжетпес» басшылығы команданы бірінші лигадан ҚПЛ-ға дейін жеткізген Андрей Ферапонтовты қызметінен босатқан болатын.